गाउँ सहर

स्थानीय तहको चुनावमा ५ अर्ब ४ करोड खर्च

काठमाडाैं । गत वैशाख ३० गते सम्पन्न भएको स्थानीय तहको चुनावमा पाँच अर्ब खर्च भएको निर्वाचन आयोगले जनाएको छ । मंगलबार आयोगले खर्च सार्वजनिक गर्दै प्रवक्ता शालिग्राम पौडेलले चुनावमा ५ अर्ब ४ करोड ३ लाख ९२ हजार ८६७ रुपैयाँ खर्च भएको जानकारी दिएका हुन् । 

निर्वाचनका लागि आयोगलाई सरकारले ८ अर्ब ११ करोड रुपैयाँ निकासा गरेको थियो । विगतका चुनाव भन्दा यसपटक मितव्ययी भएको दाबी गर्दै पौडेलले तीन अर्ब ६ करोड ८६ लाख रुपैयाँ सरकारलाई फिर्ता गरेको जानकारी दिए । 

चुनावका क्रममा सचिवालयका लागि १ अर्ब २ करोड ६३ लाख १२ हजार १२९ रुपैयाँ, मुख्य निर्वाचन अधिकृत र निर्वाचन अधिकृतको कार्यालयमा ३ अर्ब ५४ करोड, जिल्ला निर्वाचन कार्यालयहरूमा ४१ करोड ३३ लाख र मतपेटिका ढुवानीमा ४ करोड ५० लाख रुपैयाँ खर्च भएको छ ।

प्रवक्ता पौडेलले स्थानीय तह निर्वाचनमा प्रतिमतदान केन्द्र २ लाख २९ हजार ५७८ रुपैयाँ र प्रतिमतदाता २८४ रुपैयाँ खर्च भएको बताए । 

गाउँ सहर संवाददाता

तपाईँको मत