वातावरण

साँझ काठमाडाैंका यी नदीमा पानीको बहाव बढ्ने भएकाले सतर्क रहन आग्रह

• गाउँ सहर संवाददाता
• २ श्रावण सोमबार, २०७९ | १५:१६:०० मा प्रकाशित

काठमाडाैं । काठमाडाैंका विभिन्न नदीमा आज साँझ पानीको बहाव उल्लेख्य बढ्ने पूर्वानुमान छ । जल तथा मौसम विज्ञान विभागअन्तर्गतको बाढी पूर्वानुमान महाशाखाका अनुसार ती नदीहरूमा बहाव उल्लेख्य बढ्नेछ ।

पछिल्लो १ घण्टा काठमाडाैंको विष्णुमती, धोवीखोला जलाधारमा भारी बर्षा मापन भएको छ, विष्णुमती गंगबु बसपार्क बाढी मापन केन्द्रमा जलसतह करिव १.५ मिटले बढेको छ, विष्णुमती र धोवीखोलाको पानी किनारको बस्ती र सडक सम्म आउन सक्ने पूर्वानुमान छ ।

आज साँझसम्म नदीहरूमा आकस्मिक बहाव समेत हुन सक्ने भएकाले उक्त अवधिमा नदीतटीय क्षेत्रहरूमा उच्च सतर्कता अपनाउन भनिएकाे छ ।