अर्थतन्त्र

साताकाे अन्तिम काराेबार दिन पनि नेप्से बढेर बन्द

• गाउँ सहर संवाददाता
• ३१ असार शुक्रबार, २०७९ | १३:१२:०० मा प्रकाशित

काठमाडौं । साताकाे अन्तिम काराेबार दिन नेपाल स्टक एक्सचेञ्ज (नेप्से) बढेर बन्द भएकाे छ । नेप्से आज ७.९३ अंकले बढेर २००९.४६ विन्दुमा बन्द भएको हो । अघिल्लाे दिन पनि नेप्से दाेहाेराे अंकले बढेर बन्द भएकाे थियाे । 

नेप्सेमा आज एक अर्ब ४५ करोड ६२ लाख रुपैयाँ बराबरको कारोबार भएको छ ।   

आज कारोबार भएका ७२ कम्पनीको शेयरमूल्य बढेका छन् भने १०४ वटा कम्पनीको शेयरमूल्य घटेका छन् । यसमध्ये पनि आज ७ कम्पनीको शेयरमूल्यमा उच्च वृद्धि भएको छ ।

कारोबारको आधारमा आज सबैभन्दा बढी अप्पर तामाकोशीको भएको छ । यसको आज १९ करोड ७२ लाख भन्दा बढीको कारोबार भएको छ ।                    

नेप्सेका अनुसार आज ग्रीन लाइफ हाइड्रोको शेयरमूल्यमा उच्च गिरावट भएको छ । यस कम्पनीको शेयरमूल्य ५ प्रतिशत भन्दा बढीले घटेको हो ।