राजनीति

कांग्रेस केन्द्रीय समिति बैठक बस्दै

• गाउँ सहर संवाददाता
• २९ असार बुधबार, २०७९ | ०९:३१:०० मा प्रकाशित

काठमाडौं । सत्तारूढ दल नेपाली कांग्रेसको केन्द्रीय कार्यसमितिको बैठक आज पनि बस्दै छ । गएको सोमबारदेखि जारी बैठक दिउँसो १ बजे पार्टी केन्द्रीय कार्यालय सानेपामा बस्नेछ ।

आजको बैठकमा गएको स्थानीय तहको निर्वाचनको समीक्षा, नयाँ भ्रातृसंघ–संगठनको विधानसहित विविध विषयमा छलफल गर्ने कार्यतालिका छ ।

मंगलबारको बैठकमा सहमहामन्त्री बद्रीप्रसाद पाण्डेले मर्यादाक्रम निर्धारण सम्बन्धी मस्यौदा छलफलका लागि प्रस्तुत गरेका थिए ।