अर्थतन्त्र

सुनकाे भाउ आज पनि ओरालाे, कतिमा हुँदैछ काराेबार ?

 

काठमाडौं । अघिल्लाे दिन घटेकाे सुनकाे भाउ आज पनि ओरालाे लागेकाे छ । 

आज सुनकाे मूल्य चार महिनायताकै सस्तो भएको छ । अहिले सुन तोलाको ९५ हजार रुपैयाँभन्दा तल छ । 

बुधबारभन्दा तोलामा १४ सय रुपैयाँले घटेर बिहीबार सुन प्रतितोला ९४ हजार  ६ सय रुपैयाँ निर्धारण भएको नेपाल सुनचाँदी व्यवासायी महासंघले  जनाएको छ। बुधबार सुन तोलामा १६ सय रुपैयाँले घटेर प्रतितोला ९६ हजारमा कारोबार भएको थियो । अन्तराष्ट्रिय बजारमा डलरको भाउ महङ्गिएपछि सुनको मूल्य घट्न थालेको हो । 

चाँदीको मूल्य भने बढेको छ । बिहीबार चाँदी तोलामा १० रुपैयाँले बढेर एक हजार १ सय ८५ रुपैयाँ भएको छ। बुधबार चाँदी तोलामा ३० रुपैयाँले घटेको थियो ।

अन्तराष्ट‍्रिय बजारमा बिहीबार सुन प्रतिऔंस १७४६.८६ डलरमा कारोबार भइरहेको छ। चाँदी प्रतिऔंस १९ ३७ डलर रहेको छ। बुधबार सुन प्रतिऔंस १७६७.०३ डलर र चाँदी प्रतिऔंस १९.१६ डलर थियो ।

गाउँ सहर संवाददाता

तपाईँको मत