दिगोविकास

आईएमई जनरल र काठमाडौं प्याथ ल्याब सेन्टरबीच सेवामा छुटसम्बन्धी सम्झौता

• गाउँ सहर संवाददाता
• १६ असार बिहीबार, २०७९ | १७:२१:०० मा प्रकाशित

काठमाडौं । आइएमई जनरल इन्स्योरेन्स लिमिटेड र काठमाडौं प्याथ ल्याब र डाइग्नोस्टिक सेन्टरबीच सेवा प्रदान गर्ने सम्झौता भएको छ । उक्त सम्झौतापत्रमा आइएमई जनरल इन्स्योरेन्स लिमिटेडका नायव प्रमुख कार्यकारी अधिकृत शरण रेग्मी र काठमाडौं प्याथ ल्याब र डाग्नोस्टिक सेन्टरका प्रमुख कार्यकारी अधिकृत पुष्प लामिछानेले हस्ताक्षर गरे ।

सम्झौताअनुसार आइएमई जनरल इन्स्योरेन्सका कर्मचारी, सेयरधनी तथा ग्राहकहरूलाई काठमाडौं प्याथ ल्याब र डाग्नोस्टिक सेन्टरमा प्राप्त हुने सबै किसिमका सेवाहरूमा छुट प्राप्त हुने संस्थाले जनाएको छ । आइएमई जनरलका सम्पूर्ण कर्मचारी, लगानीकर्ता तथा ग्राहकहरूले आवश्यकता अनुसारका सेवा प्राप्त गर्न सक्ने संस्थाले जनाएको छ ।

आईएमई जनरलका नायव प्रमुख कार्यकारी अधिकृत  रेग्मीले काठमाडौं प्याथ ल्याब र डाइग्नोस्टिक सेन्टरसँग आबद्ध लगानीकर्ता, कर्मचारी तथा ग्राहकहरूलाई आवश्यक पर्ने निर्जीवन बिमासम्बन्धी सम्पूर्ण सेवाहरू आईएमई जनरलबाट सहजरूपमा प्राप्त गर्न सक्ने जानकारी गराएका थिए ।