गाउँ सहर

काठमाडाैँमा वालेन्द्रकै अग्रता, भरतपुरमा उच्च प्रतिश्पर्धा, अन्य महानगरकाे अवस्था कस्ताे ?

• गाउँ सहर संवाददाता
• २ जेठ सोमबार, २०७९ | ०८:३२:०० मा प्रकाशित

काठमाडौँ । स्थानीय निर्वाचनअन्तर्गत बहुचर्चित काठमाडौँ महानगरपालिकामा स्वतन्त्र उम्मेदवार वालेन्द्र शाह (वालेन) कै अग्रता कायम छ । उनले अहिलेसम्ममा ५ हजार ६६५ मत प्राप्त गरेका छन् । उनका निकटतम प्रतिद्वन्दिहरु झण्डै आधा बढि कममा छन् ।

यसैगरी पोखरामा एकीकृत समाजवादीका धनराज आचार्यले लिड गरेका छन् । उनले ३ हजार ४६५ मत ल्याउँदा निकटतम प्रतिद्वन्दि एमालेका कृष्णबहादुर थापले ३ हजार १०८ मत प्राप्त गरेका छन् ।

भरतपुरमा माओवादी केन्द्रकी रेनु दाहाल र एमालेका विजय सुवेदीबीच प्रतिश्पर्धा छ । रेनुले ३ हजार ५७८ मत ल्याउँदा एमालेका विजय सुवेदीले ३ हजार ५७५ ल्याएका छन् ।

यस्तै ललितपुर महानगरको प्रमुखमा कांग्रेसका चिरीबाबु महर्जनले ४ हजार ७२९ मत ल्याउँदा एमालेका हरिकृष्ण ब्यञ्जनकारले २ हजार २६९ मत ल्याएका छन् ।

यस्तै वीरगन्ज महानगरमा जसपाका राजेशमान सिंहले ४ हजार १७५ मत ल्याउँदा एमालेका विजयकुमार सरावगीले १ हजार ८८४ मत ल्याएका छन् ।

उता विराटनगरमा कांग्रेसका नागेशले लिड गरेका छन् । नागेश कोइरालाले ४ हजार २७० मत ल्याउँदा एमालेका सागरकुमार थापाले ३ हजार ७६ मत ल्याएका छन् ।

अहिलेसम्म ९२ स्थानीय तहको मतपरिणाम आइसकेको छ ।