गाउँ सहर

मानवीय उद्धार तथा अनुमति प्राप्त चार्टरबाहेक निर्वाचनको दिन आन्तरिक हवाइ सेवा बन्द हुने

• गाउँ सहर संवाददाता
• २५ बैशाख आइतबार, २०७९ | १८:५५:०० मा प्रकाशित

काठमाडौँ । स्थानीय तह निर्वाचनको दिन सबै आन्तरिक हवाइ सेवा बन्द हुने भएको छ । वायुसेवा सञ्चालक संघले निर्वाचनको दिन ३० वैशाखमा सबै उडान सेवा बन्द गर्ने निर्णय भएको जनाएको हो ।

निर्वाचन आयोगको यहि २२ वैशाखमा बसेको बैठकले स्थानीय तह निर्वाचनको मतदानको दिन आन्तरिक रूपमा सञ्चालन हुने सबै प्रकारका यातायात सेवा बन्द गर्ने निर्णय गरेको थियो । सोहीअनुसार वायुसेवा सञ्चालक संघले पनि आन्तरिक सबै हवाई उडान बन्द गर्ने निर्णय गरेको हो ।

तर मतदानको दिन भने मानवीय उद्धार तथा अनुमति प्राप्त चार्टर उडान भने कायमै राख्ने संघले बताएकाे छ ।