वातावरण

आजपनि यी स्थानहरूमा मेघ गर्जन/चट्याङ्गसहित हल्का वर्षा

• गाउँ सहर संवाददाता
• २१ बैशाख बुधबार, २०७९ | ०५:००:०० मा प्रकाशित

काठमाडाैँ । आज २०७९ वैशाख २१ गते (बुधबार), जल तथा माैसम विज्ञान विभागका अनुसार दिउँसो देशका पहाडी भू-भागमा आंशिक देखि सामान्य बदली रही देशको अन्य भू-भागमा आंशिक बदली रहने छ । देशको पहाडी भू-भागका केही स्थानहरूमा मेघ गर्जन/चट्याङ्गसहित हल्का वर्षाको सम्भावना रहेको छ ।

यस्तै राति देशको पहाडी भू-भागमा आंशिक देखि सामान्य बदली रही देशका अन्य भू-भागमा आंशिक बदली रहने छ । प्रदेश १, बागमती, गण्डकी र सुदूरपश्चिम प्रदेशका पहाडी भू भागका केही स्थानहरूमा मेघ गर्जन/चट्याङ्गसहित हल्का वर्षाको सम्भावना रहेको छ ।