गाउँ सहर

बुधाबारसम्म ८८ प्रतिशत मतपत्र छापियाे, २२ जिल्लामा पठाइयो

काठमाडौं । निर्वाचन आयोगले वैशाख ३० गते हुने स्थानीय तह सदस्य निर्वाचन २०७९ का लागि बुधाबारसम्म ८८ प्रतिशत मतपत्र छापिसकेको बताएको छ। आयोगले २२ जिल्लामा मतपत्र पठाउने कामसमेत सम्पन्न गरिसकेको छ । २२ जिल्लामा ३४ लाख थान मतपत्र पठाएको आयोगले जनाएको छ। 

आयोगले बुधबार सुदूरपश्चिम प्रदेशको कञ्चनपुुर, बझाङ, कैलाली, दार्चुला र डडेलधुरामा मतपत्र पठाएको प्रवक्ता शालिग्राम शर्मा पौडेलले बताए।

उनका अनुसार प्रदेश १ को ताप्लेजुङ, पाँचथर र इलाममा  पनि मतपत्र पठाइएको छ। पठाइएका मतपत्र केही दिनभित्रै सम्बन्धित पालिकामा पुगिसक्ने उनले जानकारी दिए।

वैशाख १३ गते कर्णाली प्रदेशका १० जिल्ला र सुदूरपश्चिम प्रदेशका ३ गरी तेह्र जिल्लामा मतपत्र पठाइएको थियो। 

निर्वाचनका लागि कुल १ करोड ९४ लाख मतपत्र आवश्यक पर्ने अनुमान आयोगले गरेको छ। आयोगले यसअघि नै निर्वाचन सम्बन्धी अन्य सामग्रीसमेत ढुवानी गरिसकेको छ। 

गाउँ सहर संवाददाता

तपाईँको मत