स्वास्थ्य

मंगलबार थप १० जनामा कोरोना संक्रमण, २६ जना घर फर्किए

• गाउँ सहर संवाददाता
• ६ बैशाख मंगलबार, २०७९ | १६:१२:०० मा प्रकाशित

काठमाडाैं । देशमा पछिल्लो २४ घण्टामा नेपालमा १० जना नयाँ संक्रमित थपिएका छन् । विगत २४ घण्टामा आरटी पीसीआर परिक्षण गर्दा १० जना नयाँ संक्रमित थपिएकाे स्वास्थ्य तथा जनसंख्या मन्त्रालयले जानकारी दिएकाे छ । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा २६ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.७ प्रतिशत रहेको छ । पछिल्लो २४ घण्टामा मृतकको संख्या शुन्य रहेको छ ।

पछिल्लो २४ घण्टामा ४ हजार ४०३ जनाले कोरोना परिक्षण गरेका थिए भने ७२ हजार ६८९ जनाले खोप लगाएका थिए । हाल सक्रिय संक्रमितको संख्या ३३४ जना रहेका छन् ।