गाउँ सहर

मोटरसाइकल दुर्घटनामा चालककाे मृत्यु, एक गम्भीर

• गाउँ सहर संवाददाता
• ६ बैशाख मंगलबार, २०७९ | ११:१९:०० मा प्रकाशित

काठमाडाैं । मोटरसाइकल दुर्घटना हुँदा चालकको मृत्यु भएको छ । रौतहटको राजपुर नगरपालिका–३ अजाद चोकमा सोमबार राति मोटरसाइकल दुर्घटना हुँदा चालकको मृत्यु भएको हाे । दुर्घटनामा एकजना घाइते भएका छन् । मृत्यु हुनेमा रौतहटकै गौर नगरपालिका–८ पुरेन्वा दरबारका अन्दाजी ३० बर्षीय अलि महमद रहेकाे प्रहरीले जानकारी दिएकाे छ ।

दुर्घटनामा गम्भीर घाइते भएका उनको उपचारको क्रममा गौर स्थित जिल्ला अस्पतालमा राती पौने १० बजे मृत्यु भएको प्रहरीले जनाएको छ । घाइते भएका मोटरसाइकलमा पछाडी सवार १८ बर्षीय धिरेन्द्र प्रसाद साहको सोही अस्पतालमा उपचार भइरहेको छ । 

गौरबाट कोप्वा तर्फ जादै गरेको भारतिय नम्बरको मोटरसाइकल गएराती सवा ९ बजे दुर्घटना भएको प्रहरीले बताएकाे छ ।