गाउँ सहर

मोटरसाइकल दुर्घटनामा महिलाकाे मृत्यु

काठमाडाैं । मोटरसाइकल दुर्घटना हुँदा एक जनाकाे मृत्यु भएकाे छ । काठमाडौंको स्युचाटार पुल नजिक मोटरसाइकल दुर्घटना हुँदा नुवाकोटकी एक युवतीको मृत्यु भएको हाे ।

बागमति प्रदेश ०२–०२१ प ६३३१ नम्बरको मोटरसाइकल डिभाइडरमा ठोक्किएर दुर्घटना हुँदा नुवाकोटको कुमारी १ घर भई हाल थानकोट बस्ने अन्दाजी २२ वर्षीया लक्ष्मी दर्नालको मृत्यु भएको प्रहरीले जानकारी दिएकाे छ । मोटरसाइकल दर्नाल आफैले चलाएकी थिइन् ।

गम्भीर घाइते भएकी उनको उपचारको क्रममा कलंकीस्थित नेपाल नेशनल अस्पतालमा गएराति साढे १० बजे मृत्यु भएको प्रहरीले जनाएको छ । लक्ष्मीले तीव्र गतिमा चलाएको मोटरसाइकल आइतबार साँझ पौने ६ बजे डिभाइडरमा ठोक्किएर दुर्घटना भएको थियो ।

उनको शवलाई पोष्टमार्टमको लागि महाराजगंजस्थित त्रि.वि शिक्षण अस्पतालमा राखिएको छ ।

घटनाका सम्बन्धमा प्रहरीले थप अनुसन्धान गरिरहेकाे बताएकाे छ । 

गाउँ सहर संवाददाता