स्वास्थ्य

शुक्रबार २२ जना नयाँ संक्रमित थपिए, ७५ जना कोरोनामुक्त

• गाउँ सहर संवाददाता
• १८ चैत शुक्रबार, २०७८ | १६:३८:०० मा प्रकाशित

काठमाडाैं । नेपालमा पछिल्लो २४ घण्टामा २२ जना नयाँ संक्रमित थपिएका छन् । विगत २४ घण्टामा आरटी पीसीआर परिक्षण गर्दा १६ जना र एन्टिजन परिक्षण गर्दा ६ जना गरि जम्मा २२ जना नयाँ संक्रमित थपिएकाे स्वास्थ्य तथा जनसंख्या मन्त्रालयले जानकारी दिएकाे छ । 

मन्त्रालयका अनुसार बितेकाे २४ घण्टामा कोरोना संक्रमितको संख्या भन्दा निको हुनेको संख्या धेरै रहेको छ । यस अवधिमा ७५ जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.७ प्रतिशत रहेको छ । पछिल्लो २४ घण्टामा मृतकको संख्या शुन्य रहेको छ ।

पछिल्लो २४ घण्टामा ३ हजार ८३५ जनाले कोरोना परिक्षण गरेका थिए भने ५९ हजार ५४३ जनाले खोप लगाएका थिए । हाल सक्रिय संक्रमितको संख्या एक हजार २२ जना रहेकाे मन्त्रालयले बताएकाे छ ।