खेल

साफ यू–१८ महिला च्याम्पियनसिप फुटबलमा नेपाल र भारत खेल्दै

• गाउँ सहर संवाददाता
• ७ चैत सोमबार, २०७८ | ०७:०५:०० मा प्रकाशित

काठमाडौं । नेपालले आज सोमबार भारतमा जारी साफ यू–१८ महिला च्याम्पियनसिप फुटबलमा घरेलु टोलीको सामना गर्दैछ ।

जमसेदपुरमा नेपालले बलियो टोली भारतको सामना गर्नेछ । नेपाल र भारतबीचको खेल बेलुका ७:१५ बजे सुरु हुनेछ।

तीन राष्ट्र सहभागी च्याम्पियनसिपमा नेपालले अंक जोड्न सकेको छैन । २ खेलमा अंक विहीन नेपाल पुछारमा रहेको छ ।

पहिलो खेलमा भारतसँग पराजित नेपाल दोस्रो खेलमा बंगलादेशसँग ४-२ ले पराजित भएको थियो  ।

भारत २ खेलमा ६ अंक जोडेर शीर्ष स्थानमा रहेको छ । बंगलादेश ३ अंक जोडेर दोस्रो स्थानमा रहेको छ ।

च्याम्पियनसिपमा नेपाल, भारत र बंगलादेशको सहभागिता रहेको छ । शीर्ष टोलीले उपाधि जित्नेछ ।