गाउँ सहर

एआईजी बडुवा सिफारिसविरुद्ध डिआइजीले बढुवा पुनरावलोकन समितिमा दिए उजुरी

• गाउँ सहर संवाददाता
• ६ चैत आइतबार, २०७८ | ११:५६:०० मा प्रकाशित

काठमाडाैं । गृहमन्त्रालयले आफूभन्दा जुनियर डिआइजीलाई अतिरिक्त महानिरीक्षक (एआइजी) मा बढुवा सिफारिस गरेको भन्दै नेपाल प्रहरीका केही डिआइजीहरुले बढुवा पुनरावलोकन समितिमा उजुरी दिएको जनाएकाे छ ।

नेपाल प्रहरीको अतिरिक्त महानिरीक्षक (एआइजी) मा बढुवाका लागि तीन जना नायव महानिरीक्षक (डीआईजी) को नाम सिफारिस गरेपछि त्यसमा अन्याय भएको बताउँदै डिआइजीहरुले उजुरी दिएका हुन् ।

बढुवाउपरको उजुरी सुन्ने समितिमा आइतबार ईश्वरबाबु कार्की, घनश्याम अर्याललगायत आईजीपी शैलेश थापाको ब्याचका डीआईजीहरुले उजुरी दिएकाे स्राेतले जानकारी दिएकाे छ । 

स्राेतका अनुसार गृह मन्त्रालयअन्तर्गतको बढुवा समितिको मंगलबार बसेको बैठकले डीआईजीहरु बसन्त पन्त, धीरजप्रताप सिंह र रवीन्द्र धानुकलाई एआईजीमा बढुवा गर्न सिफारिस गरेको थियो । अख्तियार दुरुपयोग अनुसन्धान आयोगमा कार्यरत डिआइजी बसन्तकुमार पन्त पहिलो नम्बरमा परेका थिए ।

दोस्रो नम्बरमा केन्द्रीय अनुसन्धान ब्यूरोमा कार्यरत डिआइजी धीरजप्रताप सिंह रहँदा तेस्रो नम्बरमा अपराध अनुसन्धन विभाग कार्य निर्देशनालय नक्सालमा कार्यरत रवीन्द्रबहादुर धानुक रहेको बढुवा समितिको सचिवालयल जनाएको थियो । डिआइजीहरुले रविन्द्र धानुकको बढुवाको विषयलाई धेरैनै असन्तुष्टि जनाएका थिए ।