अर्थतन्त्र

फागुन महिनामा शेयर कारोबारमा सर्वाधिक हिस्सा नेपाल दूरसञ्चार कम्पनीकाे

• गाउँ सहर संवाददाता
• ५ चैत शनिबार, २०७८ | ०६:३२:०० मा प्रकाशित

काठमाडौँ । फागुन महिनामा रू. ६२ अर्ब ९२ करोड ६८ लाख ७५ हजार बराबरको शेयर कारोबार भएको छ । फागुन महिनामा १९ दिनमात्र खुलेको बजारमा उक्त रकम बराबरको शेयर कारोबार भएको हो ।

यो महिना कुल कारोबारमा सर्वाधिक हिस्सा नेपाल दूरसञ्चार कम्पनीले ओगटेको छ । यस कम्पनीको रू. ३ अर्ब ३ करोड ८१ लाख बराबरको शेयर कारोबार भएको हो ।

साे महिनामा सर्वाधिक रकमको शेयर कारोबार गर्ने १० कम्पनीभित्र नेपाल दूरसञ्चार कम्पनी र अपि पावर कम्पनीसँगै नेशनल हाइड्रोपावर कम्पनी, अरुणभ्याली हाइड्रोपावर, जीवन विकास लघुवित्त, हिमालयन डिष्टिलरी, शिवम् सिमेन्ट, नेपाल लाइफ इन्स्योरेन्स, अपर तामाकोशी र हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट समेत रहेका छन् ।