राजनीति

नेपाल र साउदीअरबका प्रतिनिधिबीच भेटवार्ता

• गाउँ सहर संवाददाता
• १ चैत मंगलबार, २०७८ | ११:४९:०० मा प्रकाशित

काठमाडाैं । नेपाल र साउदी अरबबीच द्विपक्षीय बैठक सुरु भएको छ । सिंहदरबारस्थित परराष्ट्र मन्त्रालयमा बैठक सुरु भएको हो ।

बैठकमा नेपालको नेतृत्व परराष्ट्रमन्त्री डा. नारायण खड्काले गरेका छन् भने साउदी अरबको नेतृत्व साउदीका विदेशमन्त्री तथा साउदी राजकुमार फैसल बिन फरहान अल साउदले गरेका छन् ।

बैठकमा नेपाल र साउदी अरब सम्बन्धका सबै आयाममा छलफल गरिने परराष्ट्र मन्त्रालयले जानकारी दिएकाे छ । बैठक सकिएपछि आज नेपाल र साउदीबीच जनरल कोअप्रेसन एग्रिमेन्टमा हस्ताक्षर हुने जनाइएको छ ।

बैठकमा सहभागी हुन साउदी विदेशमन्त्री साउदसहित १८ जनाको टोली सोमबार काठमाडौँ आइपुगेका थिए । उनले आजै राष्ट्रपति र प्रधानमन्त्रीसँग पनि शिष्टाचार भेट गर्ने छन् ।