गाउँ सहर

दमौलीको भुपाल हार्डवेयरमा भीषण आगलागी, आगाे नियन्त्रण बाहिर

• गाउँ सहर संवाददाता
• २२ फाल्गुण आइतबार, २०७८ | ११:५६:०० मा प्रकाशित

काठमाडाैं । जिल्लाको दमौलीको भुपाल हार्डवेयरमा भीषण आगलागी भएको छ । विद्युत् लाइन सर्ट भएर आगोलागी सुरु भएको अनुमान गरिएको छ ।

हार्डवेयर गोदाममा प्लाइउड, प्लास्टिकका सामान र रंग भएकाले आगोले भयानक रुप लिएको छ । आगो नियन्त्रणको प्रयास भइरहेको जिल्ला प्रहरी कार्यालय तनहुँले जनाएको छ ।

तनहुँका प्रमुख जिल्ला अधिकारी विश्व प्रकाश अर्यालले आगो निभाउने प्रयास जारी रहेको बताएका छन्  । उनका अनुसार अहिलेसम्म मानवीय क्षति भएको जानकारी छैन ।

स्थानीय स्तरबाट आगो निभाउन नसकेपछि गृह मन्त्रालयले सिम्रिक एयरसँग सहयोग मागेको छ । सिम्रिक एयरको हेलिकप्टर पानी लिएर काठमाडौंबाट दमौलीका लागि उडेकाे छ ।