गाउँ सहर

करिब ३ करोडको सामानसहित चार जना पक्राउ

 काठमाडाैं । प्रहरीले भन्सार छली चोरी पैठारी गरी चार वटा ट्रकमा ल्याउँदै गरेका सामानहरू बरामद गरेकाे छ । चितवनकाे खैरहनी नगरपालिका ८ स्थित सडकबाट अवैध रुपमा भन्सार छली चोरी पैठारी गरी चार वटा ट्रकमा ल्याउँदै गरेका कपडा, फलामको छड, भाँडावर्तन र ट्रकसमेत गरी करिब ३ करोड ४९ लाख ८२ हजार रुपैयाँ मूल्य बराबरको सामानहरू सहित चार जना चालकहरूलाई बिहीबार राति प्रहरीले पक्राउ गरेको हाे । 

पर्सा वीरगन्जबाट भन्सार छलि लत्ता कपडाहरु लगायत अन्य सामानहरु ल्याएको भन्ने सूचनाको आधारमा ईलाका प्रहरी कार्यालय खैरहनीबाट खटिएको प्रहरीले जाँच गर्दा ना.६ ख ११३ नम्बरको ट्रक लगायत चार वटा ट्रकबाट ल्याउँदै गरेको उक्त सामानहरू बरामद गरेको जानकारी दिएकाे छ । बरामद मालसामान, चारवटै ट्रक र चालकहरूलाई आवश्यक कारबाहीका लागि वीरगन्ज भन्सार कार्यालय पठाईएको प्रहरीले जनाएकाे  छ । 

गाउँ सहर संवाददाता