स्वास्थ्य

अबदेखि वैदेशिक रोजगारीमा जाने कामदारहरूको पिसीआर परीक्षण निःशुल्क

• गाउँ सहर संवाददाता
• १३ फाल्गुण शुक्रबार, २०७८ | १६:१२:०० मा प्रकाशित

काठमाडाैं । वैदेशिक रोजगारीमा जाने कामदारहरूको पिसीआर परीक्षण निःशुल्क हुने भएको छ ।

शुक्रबार स्वास्थ्य तथा जनसंख्या मन्त्रालयले मन्त्री स्तरीय निर्णय गर्दै निशुल्क पिसीआर परीक्षणको व्यवस्था गरेको स्वास्थ्यमन्त्री विरोध खतिवडाका प्रेस सल्लाहकार शन्तराम बिडारीले जानकारी दिएका छन् । संविधानको धार ५१ अन्तर्गत नागरिकलाई स्वास्थ्य परीक्षण सेवा सर्वसुलभ पार्ने र मौलिक हक प्रत्याभूत दिने अभिप्रायले यस्तो निर्णय गरेको हो ।

अबदेखि शुक्रराज ट्रपिकल अस्पताल टेकु, वीर अस्पताल र केन्द्रीय जनस्वास्थ्य प्रयोगशालाबाट श्रमिकका लागि निःशुल्क पिसीआर परीक्षण हुने बिडारीले बताए । तर, त्यसका लागि वैदेशिक रोजगारीमा जाने निश्चित भएको कागजात भने पेस गर्नु पर्ने मन्त्रालयले जनाएको छ ।