गाउँ सहर

लागूऔषध सहित तीन जना प्रहरी नियन्त्रणमा

• गाउँ सहर संवाददाता
• १० फाल्गुण मंगलबार, २०७८ | १३:२६:०० मा प्रकाशित

काठमाडाैं । प्रहरीले अवैध लागूऔषध सहित तीन जनालाइ पक्राउ गरेकाे छ । कैलाली, लम्कीचुहा नगरपालिका १ लम्की बस्ने २३ वर्षीय राजु चौधरीलाई ३ सय मिलिग्राम अवैध लागूऔषध खैरो हेरोईन सहित सोमबार साँझ प्रहरीले पक्राउ गरेको हाे । विशेष सूचनाको आधारमा ईलाका प्रहरी कार्यालय लम्कीबाट खटिएको प्रहरीले जाँच गर्नेक्रममा उक्त लागूऔषध सहित फेला पारी पक्राउ गरेको प्रहरीले जानकारी दिएकाे छ । 

यसैगरी कैलाली लम्कीचुहा नगरपालिका-८ गप्का बस्ने ३९ वर्षीय गोपी वखेडालाई करिब ३ ग्राम ३ सय ६० मिलिग्राम अवैध लागूऔषध खैरो हेरोईन सहित सोमबार बेलुकी प्रहरीले पक्राउ गरेको हाे । गोपीले लागूऔषधको कारोबार गरिरहेको भन्ने खबर प्राप्त हुनासाथ ईलाका प्रहरी कार्यालय लम्कीबाट खटिएको प्रहरीले उनको घर तलासी गर्दा उक्त लागूऔषध, डिजिटल तराजु र नगद ५० लाख ५ सय ३० रुपैयाँ सहित फेला पारी पक्राउ गरेको जनाएकाे छ । 

बाँके, नेपालगन्ज उपमहानगरपालिका - १६ चौलिकाचोकबाट बर्दिया बढैयाताल गाउँपालिका -९ शान्तिपुर बस्ने २४ वर्षीय प्रबिण बिसीलाई करिब १ सय ५० ग्राम अवैध लागूऔषध ब्राउन सुगर जस्तो देखिने पदार्थ सहित मंगलबार बिहान प्रहरीले पक्राउ गरेको छ । जिल्ला प्रहरी कार्यालय बाँकेबाट खटिएको प्रहरीले जाँच गर्नेक्रममा उनलाई उक्त लागूऔषध सहित फेला पारी पक्राउ गरेको बताएकाे छ । 

यस सम्बन्धमा प्रहरीले थप अनुसन्धान गरिरहेकाे बताएकाे छ ।