कमल थापा अदालतमा उपस्थित हुनु पर्ने
- गाउँ सहर संवाददाता
- ९ फाल्गुण सोमबार, २०७८ | २०:५७:०० मा प्रकाशित

काठमाडौं । पहिलो गाँसमै ढुंगा भने झैं राजनीतिक अस्तित्वका लागि कमल थापा अदालतमा उपस्थित हुनु पर्ने भएको छ ।
पाटन उच्च अदालतमा मंगलबार हुने बहसमा राप्रपा नेपालको नेतृत्व हस्तान्तरसँग सम्बन्धित वैधानिक प्रमाण पेश गर्न नसके थापाको राजनीति पुनः अर्को संकटमा पर्ने देखिन्छ ।
राप्रपा नेपालको अध्यक्ष पद अवैध तवरबाट थापाले हत्याएको भन्ने दावीसहित पार्टीका राष्ट्रिय अध्यक्ष प्रदीप विक्रम राणा उच्च अदालत पाटन पुगेका थिए । सो निवेदनमा उपर आदेश दिँदै उच्च अदालतले थापालाई मंगलबार सप्रमाण उपस्थित हुन निर्देशन दिएको हो ।
केन्द्रीय कार्य समितिको जानकारी बिना नै अध्यक्ष लाक्पा तामाङले राप्रपा नेपालको नेतृत्व थापालाई सुम्पेको भन्ने राष्ट्रिय अध्यक्ष राणाको भनाइ छ ।
गोरु चुनाव चिन्ह रहेको राप्रपा नेपालका संस्थापक अध्यक्ष तामाङसँग यस प्रकरणमा केन्द्रीय समितिको बहुमत सदस्यको समर्थन नरहेको राणाको दावी छ । केन्द्रीय समितिलाई छलेर गरेको कार्य अवैध छ भन्ने उनको भनाइ हो ।
राजेन्द्र लिङदेनसँग अध्यक्ष पदको चुनावमा पराजित भएपछि थापाले राप्रपा परित्याग गरेको घोषणा गरेका थिए । आफूसँग बहुमत भए पनि राप्रपा नफुटाएको भन्ने थापाको दावी छ । यद्यपि राप्रपाको एक जना मात्र केन्द्रीय सदस्य थापाको अभियानमा समाहित भएका छन् ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सेयर बजारमा गिरावट
- नीति तथा कार्यक्रम बहुमतले पारित
- यस्तो छ नीति तथा कार्यक्रममाथि प्रधानमन्त्री ओलीको जवाफ (पूर्णपाठ)
- नीति तथा कार्यक्रम प्रतिनिधिसभामा निर्णयार्थ पेस हुँदै, संसदमा उठेका प्रश्नको प्रधानमन्त्रीकाे जवाफ
- आज सरकारको नीति तथा कार्यक्रम निर्णयार्थ प्रस्तुत गरिँदै
- गाउँ सहर डट कमका पौडेल लेखनाथ पत्रकार मञ्चको अध्यक्षमा सर्वसम्मत
- भारत–पाकिस्तानबीच युद्धविराम, सैन्य कारबाही रोक्न सहमत
- पाकिस्तानसँगको तनावले नेपालको आपूर्तिमा समस्या हुँदैन - भारत
- देशभरीका खानेपानी आयोजनालाई उच्च प्राथमिकतामा राखेर बजेट विनियोजन हुन्छ : मन्त्री यादव
- निर्माण गर्दागर्दै भत्कियो रामेछापमा पुल
प्रतिकृया दिनुहोस