गाउँ सहर

भाउजुकाे हत्या गर्ने देवर प्रहरी नियन्त्रणमा

• गाउँ सहर संवाददाता
• ९ फाल्गुण सोमबार, २०७८ | १३:१२:०० मा प्रकाशित

काठमाडाैं । भाउजुकाे हत्या गर्ने देवरलाइ प्रहरीले पक्राउ गरेकाे छ । कपिलवस्तु वाणगंगा नगरपालिका-१० की यशोदा लोनियाको हत्या आरोपमा प्रहरीले उनका देवरलाई पक्राउ गरेको हाे । पक्राउ पर्नेमा ४० वर्षीय शम्भु लोनिया रहेका छन् । 

यशोदाको गत मंसिर १० गते हत्या भएको थियो । सुत्ने कोठामा भुइँमा उनको शव फेला परेको थियो । यशोदालाई देवरले घाँटी थिचेर हत्या गरेको प्रारम्भिक अनुसन्धानबाट खुलेको छ ।

दुईबीच शारीरिक सम्पर्कपछि विवाद हुँदा शम्भुले यशोदाको हत्या गरेको प्रहरीले जनाएकाे छ । 

आफ्नी श्रीमती माइत गएका बेला शम्भु त्यसदिन राति मादक पदार्थ सेवन गरेर यशोदाको कोठामा पुगेका थिए । यशाेदा एकल महिला थिइन । 

प्रहरीका अनुसार सुरूमा सहमतिमै शारीरिक सम्पर्क भएको शम्भुले बताएका छन् । दोस्रोपटक शारीरिक सम्पर्क गर्न खोज्दा यशोदाले प्रतिकार गरेकी थिइन् । ‘प्रतिकार गरी म हल्ला गर्छु भनेपछि बोल्न नसकुन् भनी घाँटी थिचेर हत्या गरेको उनले बताएका छन् ।

यशोदाको शव फेला परेपछि प्रहरीले इलाका प्रहरी कार्यालय सुन्दरीडाँडाका प्रहरी निरीक्षक केशवराज ज्ञवालीको नेतृत्वमा पाँच सदस्यीय अनुसन्धान समिति गठन गरेको थियो ।

अनुसन्धान समितिले सम्भावित व्यक्तिहरूको पहिचान गर्ने क्रममा शम्भुलाई पक्राउ गरेको भण्डारीले जानकारी दिए । पोष्टमार्टम रिपोर्टमा यशोदाको स्वास नलीमा अवरोध भएर मृत्यु भएको खुलेको थियो।

पक्राउ परेका देवर शम्भुलाई कर्तव्य ज्यान मुद्दामा अनुसन्धान थालिएको प्रहरीले बताएकाे छ ।