स्थानीय निर्वाचन चुनाव चिन्ह सङ्घर्ष समितिले बुझायो राष्ट्रिय मानव अधिकार आयोगमा ज्ञापन पत्र

गाउँ सहर

स्थानीय निर्वाचन चुनाव चिन्ह सङ्घर्ष समितिले बुझायो राष्ट्रिय मानव अधिकार आयोगमा ज्ञापन पत्र

गाउँ सहर संवाददाता
२ फाल्गुण सोमबार, २०७८ | १६:५४:०० मा प्रकाशित

काठमाडाैं । स्थानीय निर्वाचन चुनाव चिन्ह सङ्घर्ष समितिले राष्ट्रिय मानव अधिकार आयोगमा ज्ञापन पत्र बुझाएकाे छ ।

साेमबार २८ राजनीतिक दलको स्थानीय निर्वाचन चुनाव चिह्न सङ्घर्ष समितिको प्रतिनिधि मण्डलले राष्ट्रिय मानव अधिकार आयोगका अध्यक्ष टोप बहादुर मगर सहित उच्च अधिकारीहरूसँग भेट गरी ज्ञापन पत्र बुझाएको हाे ।

स्थानीय निर्वाचनमा राष्ट्रिय मान्यता प्राप्त दल बाहेक अन्य राजनीतिक दलहरूले आफ्नो पार्टीको चुनाव चिह्न प्रयोग गर्न नपाउने कानुनी व्यवस्था विभेदकारी भएको र यसले नागरिक हक अधिकारको समेत उपेक्षा गरेको ठहर गर्दै सङ्घर्ष समितिले मानव अधिकार आयोगलाई ज्ञापन पत्र बुझाएको समितिले जानकारी दिएकाे छ ।

ज्ञापन पत्र बुझ्दै आयोगका अध्यक्ष टोप बहादुर मगरले सङ्घर्ष समितिले बुझाएको ज्ञापन पत्रको थप अध्ययन गरी आयोगको अधिकार क्षेत्रभित्र रहेर निर्वाचन आयोग र नेपाल सरकारलाई आवश्यक सिफारिस गर्ने बारेमा उपयुक्त निर्णय गर्ने बताएका छन् ।

तपशिल :

१.आमूल परिवर्तन मसिहा पार्टी

२. उन्नत लोकतन्त्र पार्टी

३. एकीकृत शक्ति नेपाल

४. गान्धीवादी पार्टी नेपाल

५. जनजागरण पार्टी नेपाल

६. जनता समाजवादी पार्टी, नेपाल

७.जनमत पार्टी (ज.पा.)

८. जनसमाजवादी पार्टी नेपाल

९. नेकपा (समाजवादी)

१०. नेपाल आमा पार्टी

११. नेपाल जनता पार्टी