गाउँ सहर

रिलायन्स लाइफ इन्स्योरेन्सको प्रमुख कार्यकारी अधिकृतमा राकेश पोखरेल नियुक्त

• गाउँ सहर संवाददाता
• १८ माघ मंगलबार, २०७८ | २०:३०:०० मा प्रकाशित

काठमाडौं । रिलायन्स लाइफ इन्स्योरेन्सको प्रमुख कार्यकारी अधिकृत (सीईओ)मा राकेश पोखरेल नियुक्त भएका छन् । उनले २०७८ माघ १३ गतेबाट कार्यभार सम्हालेका हुन् ।

राकेश पोखरेलले आफ्नो करियर बिमा क्षेत्रबाट नै सुरुवात गरेका थिए । करिब आठ वर्ष विभिन्न बिमा कम्पनीको व्यवस्थापन तथा कार्यकारी पदमा कार्यरत रही पछिल्लो समयमा उनी लेखापरीक्षण पेशामा थिए ।

उनले माघ १३ गते नै कम्पनीको सञ्चालक समितिको उपस्थितिमा प्रमुख कार्यकारी अधिकृत पद ग्रहण गरेका हुन् । उनले रिलायन्स लाइफमा काम गर्ने मौका दिएको धन्यवाद व्यक्त गर्दै आफूसँग रहेको कार्य अनुभवको प्रयोग गरी कम्पनीलाई नयाँ आयाम दिने बताए ।

उनले रिलायनस लाइफलाई जीवन बीमा कम्पनीहरूमध्ये अग्रणी भूमिका हासिल गर्न आफू सदैव प्रयासरत रहने प्रतिवद्धता व्यक्त गरे ।