खेल

पुलिस र च्यासलबीचको स्थगित खेल शनिबार

• गाउँ सहर संवाददाता
• १७ माघ सोमबार, २०७८ | १७:३४:०० मा प्रकाशित

काठमाडौं । सहिद स्मारक ‘ए’ डिभिजन लिग फुटबल अन्तर्गत नेपाल पुलिस क्लब र च्यासल युथ क्लबबीचको स्थगित खेल शनिबार हुने भएको छ ।

अखिल नेपाल फुटबल संघ (एन्फा) ले सोमबार स्थगित भएको पुलिस र च्यासलबीचको खेल शनिबार हुने जनाएको छ ।

नवौं चरण अन्तर्गत यस अघि पुलिस र च्यासलबीचको खेल माघ २ गते हुने तालिका थियो ।

तर, च्यासलका खेलाडीमा कोभिड-१९ को संक्रमण देखिएपछि खेल स्थगित गरिएको थियो ।

च्यासलका १९ खेलाडीमा कोरोना संक्रमण पुष्टि भएको थियो ।

जारी लिगमा पुलिस ८ खेलमा ७ अंक जोडेर ११ औं स्थानमा रहेको छ । 

च्यासल ८ खेलमा ५ अंक जोडेर १३ औं  स्थानमा रहेको छ  ।