स्वास्थ्य

काठमाडौं उपत्यकामा सक्रिय संक्रमितको संख्या ४७ हजार ४०७ पुग्याे, देशभर कति ?

काठमाडाैं । पछिल्लो २४ घण्टामा काठमाडौं उपत्यकामा १ हजार ७२२ जना नयाँ संक्रमित थपिएका छन् ।

स्वास्थ्य तथा जनसंख्या मन्त्रालयले आज सार्वजनिक गरेको विवरण अनुसार काठमाडौंमामात्र १ हजार ३६१ संक्रमित थपिएका छन् ।

भक्तपुरमा ९० जनामा संक्रमण पुष्टि भएको छ । त्यस्तै ललितपुरमा २७१ संक्रमित भेटिएका छन् ।

योसँगै काठमाडौं उपत्यकामा सक्रिय संक्रमितको संख्या ४७ हजार ४०७ पुगेको छ ।

नेपालमा पछिल्लो २४ घण्टामा ५ हजार २९२ संक्रमित थपिएका छन् । १० हजार ३६८ जनाको पीसीआर परीक्षण गर्दा ३ हजार ४७२ जनामा संक्रमण पुष्टि भएको छ ।

त्यस्तै ५ हजार ७२० जनाको एन्टिजेन परीक्षण गर्दा १ हजार ८२० जनामा नयाँ संक्रमण पुष्टि भएको मन्त्रालयले जनाएको छ ।

त्यस्तै आज थप ८ जनाले ज्यान गुमाएका छन् । नयाँ संक्रमित थपिएसँगै नेपालमा सक्रिय संक्रमितको संख्या ७९ हजार २७२ पुगेको छ ।

गाउँ सहर संवाददाता

तपाईँको मत