स्वास्थ्य

एकैदिन थपिए १२,३३८ कोरोना संक्रमित, ४ जनाकाे मृत्यु

• गाउँ सहर संवाददाता
• ६ माघ बिहीबार, २०७८ | १७:४१:०० मा प्रकाशित

काठमाडाैं । नेपालमा थप १२ हजार ३३८ जना कोरोना संक्रमण पुष्टि भएको छ । 

पछिल्लो २४ घण्टामा एन्टिजेन र पीसीआर विधिबाट २७ हजार ४९७ नमूना परीक्षण गर्दा बिहीबार १२ हजार ३३८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । 

मन्त्रालयका अनुसार गत २४ घण्टामा २१ हजार ७ नमूनाको पीसीआर र ६ हजार ४९० नमूनाको एन्टिजेन परीक्षण गरिएको थियो । 

पीसीआर परीक्षणबाट १० हजार ५२ र एन्टिजेन परीक्षणबाट २ हजार २८६ जनामा संक्रमण पुष्टि भएको हो । 

मन्त्रालयका अनुसार गत २४ घण्टामा देशभरमा गरी ४ जना कोरोना संक्रमितको मृत्यु भएको छ । कोरोना संक्रमणबाट हालसम्म मृत्यु हुनेको संख्या ११ हजार ६३२ पुगेको मन्त्रालयले जानकारी दिएको छ ।