यस्ताे छ कामना सेवा विकास बैंककाे दोस्रो त्रैमासको वित्तीय विवरण
- गाउँ सहर संवाददाता
- ४ माघ मंगलबार, २०७८ | १२:०२:०० मा प्रकाशित

काठमाडाैं । कामना सेवा विकास बैंकले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ । बैंकले चालु आवको ६ महिनाको वित्तीय अवस्था सार्वजनिक गरेको हो ।
चालु आर्थिक वर्षको दोस्रो त्रैमाससम्म बैंकले ३४ करोड ३६ लाख रुपैयाँ खुद नाफा आर्जन गरेको छ । गत आर्थिक वर्षको दोस्रो त्रैमाससम्ममा बैंकले ३९ करोड रुपैयाँ खुद नाफा कमाएको थियो । बैंकको नाफा करिब १२ प्रतिशतले घटेको हो ।
गत आर्थिक वर्षको पुस मसान्तसम्ममा २९ रुपैयाँ ४२ पैसा रहेको बैंकको यस्तो आम्दानी, चालु आर्थिक वर्षको सोही अवधिसम्ममा ७ रुपैयाँ ५४ पैसा घटेर २१ रुपैयाँ ८७ पैसामा झरेको छ। सो अवधिसम्ममा बैंकको वितरण योग्य मुनाफा ९ करोड ६७ लाख रुपैयाँ रहेको छ ।
बैंकको खुद ब्याज आम्दानी, सञ्चालन मुनाफा बढेपनि गैर सञ्चालन आम्दानी नभएका कारण बैंकको खुद नाफा घटेकोे हो । बैंकको गैर संचालन आम्दानी नभए पनि नियमित आम्दानीमा भने बढोत्तरी आएको छ । बैंकको ब्याज आम्दानी, कमिसन आय लगायत बढेको छ ।
समीक्षा अवधिमा बैंकको निक्षेप ७.९९ प्रतिशत बढेको छ भने कर्जा ११.५० प्रतिशत बढेको छ । बैंकको मूल्य आम्दानी अनुपात २५.७४ गुणा रहेको छ भने प्रतिशेयर नेटवर्थ १३३ रुपैयाँ २ पैसा छ ।
बैंकले ६ महिनामा ९० करोड ५९ लाख खुद ब्याज आम्दानी गरेर ४९ करोड रुपैयाँ संचालन नाफमा गरेको छ । समीक्षा अवधिमा बैंकको खुद ब्याज आम्दानी ३१.६६ प्रतिशत तथा सञ्चालन मुनाफा ४१.५१ प्रतिशतले बढेको छ।
बैंकको चुक्ता पूँजी १८.५० प्रतिशत बढेर ३ अर्ब १४ करोड, जगेडा कोष १२.५१ प्रतिशतले घटेर एक अर्ब ३ करोड कायम भएको छ । बैंकले यसअवधिमा ४७ अर्ब ७३ करोड निक्षेप संकलन गरेर ४३ अर्ब बढी कर्जा लगानी गरेको छ ।
दोस्रो त्रैमासको वित्तीय विवरण प्रकाशित गर्नेमा बैंक पहिलो कम्पनी बनेको छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- हरियाली बाटाेमा शेयरबजार, लगानीकर्तामा थपियाे उत्साह
- साउने संक्रान्ति : लुतो फ्याँक्ने चलन, किन फालिन्छ लुतो नयाँ पुस्तालाई थाहै छैन्
- बिर्सनुभयाे कि -बीपी राजमार्गमा आजदेखि राति १२ घण्टा यातायात सञ्चालन नहुने
- आर्थिक वर्षकाे अन्तिम दिन नेप्से परिसूचक २८ सय नजिक, काराेबार रकममा वृद्धि
- बैंकहरूले साउन महिनाका लागि घटाए ब्याज दर, बैंकमा पैसा थुप्रियाे
- ३४ अंकले बढेकाे नेप्से परिसूचकमा यी कम्पनीले कमाए
- यस्ता छन् सङ्घीय संसद्को दुवै सदनको बैठककाे कार्यसूची ?
- घुस काण्डमा मुछिएका मन्त्री गुप्तालाई बर्खास्त गर्न गगन थापाकाे माग
- काठमाडौं महानगरले ल्यायो २५ अर्ब ७६ करोड ४३ लाख रुपैयाँको बजेट
- आज आदिकवि भानुभक्तको २१२औं जन्मजयन्ती मनाइँदै
प्रतिकृया दिनुहोस