अर्थतन्त्र

यस्ता छन् नेशनल लाइफले सार्वजनिक गरेकाे नयाँ बोनस दर

काठमाडौं । नेशनल लाइफले नयाँ बोनस दर सार्वजनिक गरेको छ । कम्पनीले आर्थिक वर्ष २०७६-७७ का लागि बीमितलाई दिने बोनस दर सार्वजनिक गरेको हो ।

कम्पनीले आफ्नो बीमाङ्कीय प्रतिवेदन बीमा समितिबाट स्वीकृत भएपछि मुनाफामा सरिक हुने (बोनस आर्जन गर्ने) गरी जारी गरिएका जीवन बीमालेखमा प्रति हजार अधिकतम ८५ रुपैयाँसम्म बोनस दर घोषणा गरेको हो ।

कम्पनीले सो आर्थिक वर्षका लागि बीमितलाई बीमा अवधिअनुसार प्रतिहजार न्यूनतम ६३ रुपैयाँदेखि अधिकतम ८५ रुपैयाँसम्म बोनस दर दिने घोषणा गरेको छ ।

सावधिक जीवन बीमालेखमा बीमालेखमा ० देखि ९ वर्ष अवधिको लागि, १० देखि १४ वर्ष अवधिको लागि, १५ देखि १९ वर्ष अवधिको लागि प्रतिहजार ६४ रुपैयाँ बोनस दर दिने भएको छ ।

२० देखि २५ वर्ष अवधि वर्षको लागि प्रतिहजार ६५ रुपैयाँ बोनस दर दिने भएको छ ।

२६ देखि २९ वर्ष अवधि र ३० वा सोभन्दा माथि बीमा अवधिको लागि कम्पनीले ८५ रुपैयाँसम्म बोनस दर दिने घोषणा गरेको छ ।

कम्पनीले सावधिक आजीवन बीमालेखमा ० देखि ९ वर्ष अवधिको लागि, १० देखि १४ वर्ष अवधिको लागि, १५ देखि १९ वर्ष अवधिको लागि प्रतिहजार ६४ रुपैयाँ बोनस दर दिने भएको छ ।

त्यस्तै, २० वा सो भन्दा माथि अवधिको लागि कम्पनीले ६५ रुपैयाँ बोनस दर दिने घोषणा गरेको छ ।

यस्तै, अग्रिम भुक्तानी सावधिक जीवन बीमालेखमा कम्पनीले ० देखि ९ वर्ष अवधिको लागि र १० देखि १४ वर्ष अवधिको लागि ६३ रुपैयाँ बोनस दर दिने भएको छ भने सोही बीमाले अन्र्तगत १५ देखि १९ वर्ष अवधि र २० वा सोभन्दा माथि अवधिको लागि कम्पनीले प्रति हजार ६४ रुपैयाँ बोनस दर दिने भएको छ ।

उल्लेखित बोनस दर अर्को बीमाङ्कीय मूल्याङ्कन प्रतिवेदन बीमा समितिबाट स्वीकृत नभएसम्मको लागि कम्पनीले भुक्तानी गर्ने दाबीहरुमा समेत कायम हुने कम्पनीले जानकारी दिएको छ ।

गाउँ सहर संवाददाता

तपाईँको मत