स्वास्थ्य

प्रधानमन्त्री देउवाले बिहीबार पुन: पीसीआर गराउने

काठमाडाैं । बालुवाटारमा कोरोना संक्रमण फैलिएको छ । प्रधानमन्त्रीको सरकारी निवास बालुवाटारमा कोरोना संक्रमण फैलिएको हाे । सोमबार प्रधानमन्त्री देउवासहित प्रधानमन्त्रीको निवास  बालुवाटारमा कार्यरत सचिवालयका कर्मचारी, सुरक्षा पदाधिकारीको पीसीआर परीक्षण गराएका थिए । देउवाको रिपोर्ट नेगेटिभ आएपनि प्रधानमन्त्री कार्यालयका भान्से तथा  दैनिक सुरक्षामा खटिएका अधिकारीलाई कोरोना पोजिटिभ  देखिएको थियो  । 

देउवा प्रमुख स्वकीय सचिव भानु देउवाले कन्ट्याक्ट ट्रेसिङमा परेपछि प्रधानमन्त्रीले बिहीबार फेरि पीसीआर गराउने बताएका छन् । हाल क्वारेन्टिनमा रहेका देउवा बिहीबारको पीसीआर परीक्षणको रिपोर्ट नेगेटिभ आएको खण्डमा राजनीतिक भेटवार्तालाई निरन्तरता दिइने बताइएकाे छ । अहिले देउवाले केही दिनका लागि राजनीतिक भेटघाट तथा  सरकारी औपचारिक  सबै  कार्यक्रम रद्द गरेको भानुले जानकारी दिए । 

गाउँ सहर संवाददाता