अर्थतन्त्र

अर्थमन्त्री शर्माकाे निर्देशन : बाँकी ६ महिनामा शतप्रतिशत बजेट खर्च गर्नुपर्छ

• गाउँ सहर संवाददाता
• २७ पौष मंगलबार, २०७८ | १५:२३:०० मा प्रकाशित

काठमाडाैं । ६ महिनामा शतप्रतिशत बजेट खर्च गर्न निर्देशन दिइएकाे छ । अर्थमन्त्री जनार्दन शर्माले आर्थिक वर्ष २०७८/०७९ को बाँकी ६ महिनामा शतप्रतिशत पूँजीगत खर्च गरिसक्न विभिन्न मन्त्रालयलाई निर्देशन दिएका छन् । मंगलबार मन्त्रालयमा आर्थिक वर्ष २०७८/०७९ को हालसम्मको खर्चको समीक्षा बैठकमा उनले सचिवहरूलाई यस्तो निर्देशन दिएका हुन् ।

शर्माले आवश्यक परे मध्यरातमा पनि आफू सहयोग गर्न तयार रहेको भन्दै जसरी पनि खर्च गर्न आग्रह गरे । ‘आर्थिक वर्षको ६ महिना बितिसक्यो । बाँकी ६ महिनामा शतप्रतिशत बजेट खर्च गर्नुपर्छ’, उनले भने, ‘त्यसको लागि मैले रातको १२ बजे पनि तपाईँहरूलाई सहयोग गर्न तयार छु ।’

उनले बजेट खर्च गर्ने अन्य उपायहरू खोज्न बताउँदै जसरी पनि खर्च बढाउन आग्रह गरेका हुन् । उनले ठूला योजनाहरूमा स्थानीय तह र स्थानीय जनतालाई समेत सहभागी गराएर अगाडि बढाउनुपर्नेमा जोड दिए । ठूला योजनाहरूमा अपनत्वका लागि उनीहरूलाई सहभागी गराएर मात्र छिटो काम गर्न सकिने बताएका छन् ।

विद्यमान प्रणालीमा सुधार गर्नुपर्ने आवश्यकता पनि उनले औँल्याए । फाइल हरेक मन्त्रालयमा बोकेर हिँड्दा ढिला हुने भन्नुहुँदै अब डिजिटल माध्यममा लैजानुपर्ने उनले बताएका छन् । ‘फाइल बोकेर विभाग, मन्त्रालय धाउँदा दुई/चार दिन जान्छ । यहाँ पनि समय गइरहेको छ’,। ‘यसलाई डिजिटल माध्यममा लैजानुप¥यो । डिजिटलमै अनुरोध गर्ने र स्वीकृति गर्ने हुनुपर्योे । टिप्पणी उठाएर राख्ने काम आफ्नो ठाउँमा गर्नुपर्छ’  उनले भने ।

अर्थ मन्त्रालयले पछिल्लो समय पुँजीगत खर्च बढाउन अन्य मन्त्रालयलाई ताकेता गर्दै आइरहेको छ ।