गाउँ सहर

ललिता निवास जग्गा प्रकरण : सुवेदी दम्पती पक्राउ

• गाउँ सहर संवाददाता
• ७ पौष बुधबार, २०७८ | १६:२३:०० मा प्रकाशित

काठमाडाैं । ललिता निवासको जग्गा प्रकरणमा मुछिएका दम्पतीलाइ प्रहरीले पक्राउ गरेकाे छ । 

पक्राउ पर्नेमा ५६ वर्षीय रामकुमार सुवेदी र उनकी पत्नी ५२ वर्षीया माधवी सुवेदी रहेका छन् । माधवीलाई ताहाचल र रामकुमारलाई कमलादीबाट पक्राउ गरिएको प्रहरीले जानकारी दिएकाे छ ।

उनीहरु ललिता निवास प्रकरणका मुख्य ठेकेदार (बिचौलीमा) रहेको र सुरुदेखि अन्तिमसम्मको सम्पूर्ण प्रक्रियामा संलग्न रहेको देखिएको प्रहरीको केन्द्रीय अनुसन्धान ब्युरो (सिआइबी) का प्रवक्ता प्रहरी उपरीक्षक श्यामकुमार महतोले जनाएका छन् ।

उनीहरुविरुद्ध अख्तियार दुरुपयोग अनुसन्धान आयोगले यसअघि नै विशेष अदालतमा मुद्दा दायर गरिसकेको छ ।

पक्राउपछि अनुसन्धानका लागि म्याद थप गर्न अदालत लगिएको  महतोले बताए ।