राजनीति

त्रिपाठीद्वारा नयाँ पार्टी ‘जप्रपा’ घोषणा

• गाउँ सहर संवाददाता
• २८ मङ्सिर मंगलबार, २०७८ | ११:५७:०० मा प्रकाशित

काठमाडाैं । पूर्वमन्त्री हृदयश त्रिपाठीले आज नयाँ दल घोषणा गरेका छन् । अाज राजधानीमा एक कार्यक्रमको आयोजना गरी उनले जनता प्रगतिशील पार्टी नेपाल घोषणा गरेका हुन् । 

पछिल्लो समय स्वतन्त्र नागरिक समूह बनाएर सक्रिय रहेका त्रिपाठी एमालेसँग मिलेर चुनाव चिन्ह सूर्यबाट निर्वाचन जितेका सांसद समेत हुन् ।

त्रिपाठीले घोषण गर्न लागेको पार्टीको नाम जनता प्रगतिशील पार्टी (जप्रपा) नेपाल राखिएको स्रोतले जनाएको छ ।

दुई दिनअघि नै त्रिपाठीले पार्टीको नाम, झण्डा, लोगो र दस्तावेज तयार भइसकेको जनाएका थिए ।

२०७४ सालको प्रतिनिधि सभा चुनावअघि त्रिपाठी तत्कालीन राष्ट्रिय जनता पार्टी (राजपा) मा क्रियाशील थिए । एमालेको चुनावचिन्हबाट चुनाव लड्नुअघि उनले राजपासँग सम्बन्ध विच्छेद गरेका थिए । पछिल्लो समय त्रिपाठी केपी ओली नेतृत्वको सरकारमा स्वास्थ्यमन्त्री बनेका थिए ।