राजनीति

दोस्रो चरणको चुनावमा प्रकाशमानले देउवालाई सघाउने, चाक्सीबारीमा भयो सहमति

काठमाडौं । कांग्रेस सभापतिको दोस्रो चरणको चुनावमा सभापतिका उम्मेद्वार बनेका प्रकाशमान सिंहले शेरबहादुर देउवालाई समर्थन गर्ने भएका छन् ।

आफूलाई भेट्न आएका देउवासँग उनले यस विषयमा सहमति गरेका हुन् । कांग्रेसको १४औं महाधिवेशनमा सभापति पदको अन्तिम मत परिणामअनुसार देउवाले २२५८, शेखर कोइरालाले १७०२, प्रकाशमान सिंहले ३७१, विमलेन्द्र निधिले २५० र कल्याण गुरुङले २२ मत पाएका थिए । देउवाले ५१ प्रतिशत मत ल्याउन नसकेपछि दोस्रो चरणको निर्वाचन हुने भएको छ ।

दोस्रो चरणको चुनावअघि सिंहलाई भेट्न देउवा उनको निवास चाक्सीबारीमा पुगेका थिए। दुई नेताबीच वार्तापछि दोस्रोचरणमा देउवालाई सघाउन सिंह सहमत भएका छन् ।

भेटमा देउवाले आफ्नो कमजवोरी सच्याउँदै पार्टीलाई सुधार गरेर लैजाने वचनबद्धता व्यक्त गरेका थिए । सिंहको समर्थनसँगै दोस्रो चरणको चुनावमा देउवाको दाबेदारी बलियो बनेको छ । पहिलो चरणमा चुनाव जित्न उनलाई ८२ भोट मात्र अपुग भएको थियो ।

सभापति जित्न प्रकाशमानको भोट निर्णायक रहेको थियो । जसमा देउवालाई साथ दिने सहमति भएको हो ।

स्रोतका अनुसार प्रकाशमानले देउवालाई सहयोग गरेबापत उनले सरकारमा हिस्सा पाउने भएका छन् ।

गाउँ सहर संवाददाता

Ambar Dhoubhadel लेख्नुहुन्छ २८ मङ्सिर, २०७८ ७:२४ pm

लम्पसार बाद

Kumar Koirala लेख्नुहुन्छ २८ मङ्सिर, २०७८ ७:२३ pm

थुक्क चाेरहरु । हिजाे सम्म शेर ब.काे खैराे खन्ने प्रकाशमान तेराे सक्कली हैशियर देखाई छाडिस हैन । अब तेरा बाउ समेकाे मेहनतले स्थापित कांग्रेसलाई रसातलमा पुर्याउने भइस । म ताेराे क्षेत्रकाे भएका कारण आज सम्म अरु कसैलाई भाेट नहाली कांग्रेसलाई भाेट हल्दै आएकाेमा अबका दिन देखि तँ र तेरा भिजिलान्तेहरुलाई भाेट हाल्ने छैन । अरुलाई पनि भाेट नहाल्न अनुराेध गर्दछु ।

तपाईँको मत