गाउँ सहर

प्रहरीद्वारा ८ लाखको अवैध कपडा बरामद

• गाउँ सहर संवाददाता
• २७ मङ्सिर सोमबार, २०७८ | १६:०५:०० मा प्रकाशित

काठमाडाैं । सशस्त्र प्रहरीले भ्यानसहित अवैध कपडा बरामद गरेको छ ।

सशस्त्र प्रहरी बल नम्बर ३० गण बागेश्वरी बाँकेबाट खटिएको प्रहरी टोलीले बाँकेको जानकी गाउँपालिकास्थित खजुरा खुर्दबाट आज बिहान ४ बजे भे १ च २६३९ नम्बरको भ्यानसहित १६६९ दर्जन लेडिज ब्रा बरामद गरेको सशस्त्र प्रहरी बल नम्बर ३० गण बागेश्वरी बाँकेका प्रमुख एसपी अशोक बमले जानकारी दिएका छन् । 

उक्त कपडाको अन्दाजी मुल्य ८ लाख १ हजार १२० रुपैयाँ रहेको एसपी बमले बताएका छन् ।

बर्दियाबाट आइरहेको भ्यान खजुरा खुर्दमा रोकिराखेको अवस्थामा चेकजाँचका गर्दा भ्यानमा अवैध कपडा बरामद गरेको हो ।

थप आवश्यक कारबाहीको लागि नेपालगन्ज भन्सार कार्यालय बुझाइएको प्रहरीले बताएकाे छ ।