विश्व

राष्ट्रपति सिरिल रामाफोसा कोरोना भाइरसबाट संक्रमित

• गाउँ सहर संवाददाता
• २७ मङ्सिर सोमबार, २०७८ | ११:४६:०० मा प्रकाशित

एजेन्सी । दक्षिण अफ्रिकाका राष्ट्रपति सिरिल रामाफोसा कोरोना भाइरसबाट संक्रमित भएका छन् । उनमा संक्रमणको मध्यम लक्षण देखिएको राष्ट्रपति कार्यालयले जारी गरेको वक्तव्यमा उल्लेख छ। अहिले उनको उपचार भइरहेको छ ।

राष्ट्रपति रामाफोसामा आइतबार संक्रमण पुष्टि भएको हो । उनले आउँदो हप्तासम्मका लागि उपराष्ट्रपति डेविड माबुजालाई राष्ट्रपतीय अधिकार प्रदान गरेका छन् ।

अहिले विश्वका विभिन्न क्षेत्रमा फैलिरहेको र चिन्ताको विषय बनेको ओमिक्रोन भेरियन्ट पहिलोपटक दक्षिण अफ्रिकामा पहिचान भएको थियो। त्यहाँ महामारीको चौथो लहर फैलिएको छ। देशका २५ प्रतिशतले मात्रै खोपको पूर्ण मात्रा लगाएका छन् ।