फोटो

कांग्रेस महाधिवेशनस्थलमा मत माग्ने शैली : चिठीदेखि झाँकीसम्म (फोटोकथा)

• गाउँ सहर संवाददाता
• २६ मङ्सिर आइतबार, २०७८ | १६:५८:०० मा प्रकाशित

काठमाडौं । नेपाली कांग्रेसको १४औँ महाधिवेशन भृकुटीमण्डमा जारी छ । चुनावको सरगर्मीले महाधिवेशनस्थल पूरै तातेको छ । बिहानैदेखि उम्मेदवारहरू प्रतिनिधिहरूसँग भोट माग्‍नका लागि खटेका छन् । अझ उम्मेदवारभन्दा पनि उनीहरूका नजिकका कार्यकर्ताहरू भाेट माग्न व्यस्त छन् । 

मत माग्ने पनि आ-आफ्नै शैली छन् । चिठी बाँड्नेदेखि झाँकीसम्म छन् । 

प्रधानमन्त्री तथा सभापति शेरबहादुर देउवा पनि बिहानैदेखि प्रतिनिधिहरूसँग भोट माग्‍न व्‍यस्त छन् । उनले आजको खाना पनि महाधिवेशनस्थलमै खाएका छन् ।

यतिबेला भृकुटीमण्डपमा एकातिर मतदानस्थल निर्माणको काम धमाधम भइरहेको छ भने कार्यकर्ताहरु उम्मेदवार बनेका आफ्ना नेताहरुको प्रचारप्रसारमा व्यस्त छन् । उम्मेदवारहरू पनि मतदातालाई रिझाउन प्रतिनिधिहरूसँग हात जोड्दै हिँडिरहेका छन् ।

कांग्रेसको नेतृत्वमा को छानिने भनेर भोलि बिहान ८ बजेदेखि मतदान हुनेछ । सभापतिमा शेरबहादुर देउवा र शशांक कोइराला प्यानल नै बनाएर केन्द्रीय दौडमा छन् भने विमलेन्द्र निधि, प्रकाशमान सिंह र कल्याण गुरुङले पनि सभापति पदमा दाबेदारी प्रस्तुत गरेका छन् ।

थप तस्बिरहरू  :