अर्थतन्त्र

नेप्से परिसूचक ८८ अंक घट्दा शेयर लगानीकर्तामा रूवाबासी !

• गाउँ सहर संवाददाता
• २६ मङ्सिर आइतबार, २०७८ | १६:०२:०० मा प्रकाशित

काठमाडाैं । गत साताको मंगलबारदेखि ओरालो लागेको नेप्सेले साताको पहिलो कारोबार दिन पनि निरन्तर ठूलाे अंकले गिरावट हुँदा लगानीकर्तामा रूवाबासी नै चलेकाे छ । ३२ सय नाघिसकेको नेप्से करिब चार महिनाको अवधिमा घटेर २३ सय बिन्दुको लाइनमा झर्दा भरखर भरखर दाेस्राे बजारमा पसेका लगानीकर्ताहरू अत्तालिएका छन् । 

आज अर्थात आइतबार नेप्से परिसूचक ८८.७० अंक घटेर २३६१.२७ विन्दुमा झरेको छ । यससँगै नेप्से करिब ११ महिनाको न्यून विन्दुमा पुगेको छ । यसदिन २२८ कम्पनीको ४९ हजार ७१० पटकको कारोबारमा ३ अर्ब १९ करोड ९१ लाख ७२ हजार रुपैयाँ बराबरको ७२ लाख २३ हजार कित्ता शेयर खरिदबिक्री भएको छ । आइतबार १३ वटै उपसमूहको परिसूचक घटेका छन् ।

भरखर भरखर दाेस्राे बजारमा प्रवेश गरेका लगानीकर्ता राजु खतिवडा आइतबारकाे नेप्सेमा गएकाे पहिराेले अत्तालिएका छन् । खतिवडाले भने- 'हुर्नु न म त भरखर भरखर शेयरबजारमा पसेकाे एक वर्ष पनि भएकाे छैन । पाँच वर्ष विदेशमा दुख गरर कमाएकाे पैसा यता हालियाे अहिले नाफा त कता हाे कता साँवा पनि आधाले घटिसक्याे । परिवारका सदस्यले जग्गामा हाल भन्दाभन्दै यता लागियाे अहिले घर न घाटकाे हुन लागिसकेँ । रूदँ पनि कहाँ हिड्नु बिजाेगै बनायाे नि शेयर शेयर भन्दा ।'

खतिवडा त एक प्रतिनिधि पात्र मात्रै हुन् । उनी जस्ता शेयरबजारमा नवप्रवेशीदेखि पुराना खेलाडीहरूसमेत यतिबेला अलमलमा छन् । 

कारोबार रकमका आधारमा यस दिन मञ्जुश्री फाइनान्स शीर्ष स्थानमा रहेको छ । यस दिन कम्पनीको १९ करोड ७७ लाख ४० हजार रुपैयाँबराबरको शेयर खरिदबिक्री भएको छ । त्यसैगरी, यस दिन नेशनल हाइड्रोपावर र नबिल बैंकको ११ करोडभन्दा बढीको शेयर खरिदबिक्री भएको छ ।

यस दिन युनिलिभर नेपाल र स्वाभिमान लघुवित्तको शेयरमूल्य २ प्रतिशत बढेको छ । 

यस दिन नयाँ सारथी लघुवित्तको शेयरमूल्य सर्वाधिक १० प्रतिशत घटेका छ ।

शेयर बजारमा लगानीगर्ने अधिकाश लगानिकर्ताहरुले गुमाएका छन । नेपाल राष्ट बैंकले २०७८/७९ को मौद्रिक निति सार्बजनिक भएदेखि नै शेयर बजार ओरालो लाग्न सुरु भएको थियो । बीचमा केही सुधारीन खोजेपनि बजार घट्ने क्रमले निरन्तरता पाइरह्यो ।

अहिलेको बिभिन्न कम्पनिहरुले लाभाश घोषणा गरिरहेको समयमा शेयरबजार बढ्न पर्नेमा झन घटिरहेका छ । लगानिकर्ताहरुको आत्मबल कमजोर हुँदा शेयरबजारमा नयाँ लगानिकर्ताहरु प्रबेश गर्न सकिरहेका छैनन ।