राजनीति

नेपाली कांग्रेसको १४औँ महाधिवेशनः उम्मेदवार मनोनयन दर्ता शनिबार बिहान १० देखि साँझ ५ बजेसम्म

• गाउँ सहर संवाददाता
• २५ मङ्सिर शनिबार, २०७८ | ०८:३९:०० मा प्रकाशित

काठमाडौँ । नेपाली कांग्रेसको १४औँ महाधिवेशनअन्तर्गत शनिबारदेखि नयाँ नेतृत्व चयनका लागि निर्वाचन प्रक्रिया सुरु हुँदैछ । तर संस्थापनइतर समूहले उम्मेदवारी मनोनयनको केही घण्टा बाँकी छँदासम्मपनि सभापतिकाे साझा उम्मेदवार तय गर्न सकेको छैन ।

शुक्रबार उद्घाटनसत्र सकिएलगत्तै रामचन्द्र पौडेल समूहका नेताहरु छलफलमा जुटे पनि साझा उम्मेदवार तय गर्न नसकेका हुन् । वरिष्ठ नेता रामचन्द्र पौडेल, प्रकाशमान सिंह र शेखर कोइरालाले इतर समूहबाट सभापतिमा दाबी गरेका छन् । सिंह र कोइरालाले त सभापतिको प्रचारसमेत तीव्र बनाइरहेका छन् ।

संस्थापन समूहबाट प्रधानमन्त्रीसमेत रहेका वर्तमान सभापति शेरबहादुर देउवा नै उम्मेदवार बन्ने निश्चित छ । तर अरु केही पदाधिकारीमा समूहले पनि टुंग्याउन बाँकी छ ।

उम्मेदवार मनोनयन दर्ता शनिबार बिहान १० देखि साँझ ५ बजेसम्म राष्ट्रिय सभागृहमा हुनेछ । उम्मेदवारी मनोनयन दर्ताउपर दाबी विरोध र जाँचबुझ शनिबार साँझ ५ देखि ७ बजेसम्म र दाबी विरोधउपर निर्णय साँझ ७ देखि ९ बजेसम्म हुने निर्वाचन समितिले जनाएको छ ।

यस्ताे छ तालिकाः