राजनीति

यसकारण पुगे रामचन्द्र सिटौला निवास

काठमाडौँ । नेपाली कांग्रेसका वरिष्ठ नेता रामचन्द्र पौडेल नेता कृष्णप्रसाद सिटौलाको निवास पुगेका छन् । उनी सिटौलालाई भेट्न चण्डोलस्थित सिटौला निवास पुगेका हुन् ।

आगामी १४ औँ महाधिवेशनका लागि साझा उम्मेदवार तय गर्न नेता पौडेल सिटौलालाई भेट्न पुगेका हुन् । पौडेल पक्षका केन्द्रीय सदस्य बद्री पाण्डेका अनुसार सिटौलालाई फकाउन उनी बैठकबाट निस्केका हुन् ।

जवाफमा सिटौलाले आफ्नो पक्षले छलफल गरेपछि मात्रै बाँकी कुरा गर्ने बताएका थिए । उनीहरूबीच करिब आधा घण्टा छलफल भएको थियो ।

छलफलपछि नेता पौडेल आफ्नै निवास फर्किसकेका छन् । साझा उम्मेदवार छान्नका लागि बत्तिसपुतलीस्थित अनुपम फुडल्याण्डमा बोलाएको बैठकमा सभापतिका दाबेदारहरू नै नआएपछि अलपत्र बनेको छ ।

गाउँ सहर संवाददाता