गाउँ सहर

परोपकार युवा सन्जाल नेपाल र दारी ग्याङ्गद्वारा शैक्षिक सामाग्री सहयाेग

• गाउँ सहर संवाददाता
• १२ मङ्सिर आइतबार, २०७८ | २१:३०:०० मा प्रकाशित

काठमाडाैं । परोपकार युवा सन्जाल नेपाल र दारी ग्याङ्ग मकवानपुरको सहकार्यमा चितवनमा शैक्षिक सामाग्री सहयाेग गरेकाे छ । 

रत्ननगर, ४ चितवनमा रहेको श्री राष्ट्रिय आधारभूत विद्यालय देबौलीमा अध्यनरत ६४ बिपन्न बालबालिकाको पठनपाठनमा प्रेरित गर्न शैक्षिक सामाग्री, स्कुल ब्याग, टिफिन बक्स र पानीको बोत्तल वितरण गरिएकाे हाे ।

त्यसैगरि सुनौलो किरणद्वारा संचालित कालिका नगरपालिका, १० सिद्धीमा अवस्थित सिद्धी छात्रावासमा रहेका ४० जाना बालबालिकाहरूकाे लागि खाधान्न बितरण गरेको संजालका संयोजक रमेश सापकोटाले जानकारी दिए ।

बिगत लामो समयदेखी सामाजिक सेवामा सक्रिय संजालले यो वर्ष २ हजार विद्यार्थीलाई सहयोग गर्ने लक्ष्य रहेको संजालका सदस्य युवराज भण्डारीले बताए ।

उक्त कार्यक्रममा कलाकार कामेश्वर चौरसिया, महेश ठकुरी, उमेश पराजुली, अजित खड्का, अधिराज वाग्ले, विसाङ्ग तामाङ्ग लगायतको उपस्थित थियो ।