प्रधानमन्त्रीज्यू ! मेरो खुट्टा तान्नेहरु तपाईंका खुट्टा तान्दैछन् : अध्यक्ष ओली
- गाउँ सहर संवाददाता
- १० मङ्सिर शुक्रबार, २०७८ | १६:०९:०० मा प्रकाशित
चितवन । एमाले अध्यक्ष केपी शर्मा ओलीले आफु प्रधानमन्त्री हुँदा खुट्टा तान्ने दलहरु प्रधानमन्त्रीका सहयात्री बनेर खुट्टा तान्न थालेको भन्दै सर्तक हुन आह्वान गरेका छन् ।
१०औं महाधिवेशन उद्घाटनलाई सम्बोधन गर्दै ओलीले उद्घाटनका वेला प्रधानमन्त्रीलाई विशेष अतिथिका रुपमा वोलाएर आलोचना नगर्ने बताउँदै खुट्टा तान्नेसँग सतर्क रहन आग्रह गरेका छन् ।
ओलीले भने–‘अहिलेको सकारबारे म केही भन्न चाहन्न । उहाँलाई हामीले आमन्त्रण गरेका छौँ । प्रधानमन्त्रीलाई मञ्चमा अतिथि बनाएर राखेर टिप्पणी गर्न वाञ्छनीय हुँदैन । प्रधानमन्त्री ज्यू सायद काम गर्न चाहनुहुन्थ्यो कि ? तर प्रधानमन्त्री ज्यूलाई काम गर्न गाह्रो छ कि ? मलाई अप्ठेरो पार्ने, मेरो खुट्टा तान्नेहरूले आज उहाँका खुट्टा समातिरहेका छन् । त्यस कारण उहाँलाई पनि गाह्रो छ कि ?’
उनले प्रधानमन्त्रीले काम गर्न खोज्दा पनि सहयात्रीबाट साथ नपाइरहेको पनि बताए । ओलीले अब आफ्नो पार्टी प्रवेशको महाअभियान चलाउने बताए ।
प्रधानमन्त्री देउवाकै अघि आगामी चुनावबाट एमालेको सरकार बन्ने उद्घोगा गर्दै उनले भने, ‘प्रधानमन्त्रीजीकै सामु एउटा गोपनियता खुस्काउनुपर्ने भयो, त्यो के भने आउँदो चुनावपछि एमालेको सरकार बन्छ । स्थानीय तहमा ५० प्रतिशतभन्दा बढी सिट एमालेले हासिल गर्छ ।’
आजको कार्यक्रममै लाखौं मानिसहरु पार्टी प्रवेश गर्न चाहेको भन्दै उनले यस मन्च उपयुक्त नभएको बताए । अबबाट नियमित रुपमा हजारौं मानिसहरु एमालेमा प्रवेश गर्ने भन्दै उनले फागुन महिनासम्म पार्टी प्रवेश महाअभियान चल्ने बताए ।
उनले अबको स्थानीय तह निर्वाचनमा ५० प्रतिशत भन्दा धेरै ठाँउमा जित्ने भन्दै उनले अब एमाले चुनावको तयारीमा लाग्ने बताए ।
उनले अब माओवादीलाई समेत हसिया हथौडा चिन्ह छोड्न आग्रह गरे । वामपन्थी सरकार ढलाएर दक्षिणपन्थी सरकार बनाउनेले सो चुनाव चिन्ह लिन नहुने उनको भनाई छ ।
‘नेपालबाट गरिबी हटाउन नेकपा एमालेको झण्डा बोकेका छौं । देश, जनता, लोकतन्त्र, विकास, सामाजिक न्याय र समानताका लागि सूर्य चिन्ह समर्पित छ ',उनले भने ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस