अर्थतन्त्र

बिहीबार नेप्सेमा दाेहाेराे अंककाे गिरावट, ६ अर्ब २७ करोड १८ लाख बराबरको कारोबार

 काठमाडाैं । बिहिबार नेप्सेमा दोहोरो अंकको गिरावट आएको छ । नेप्से आज ३२.३९ अंकले घटेर दुई हजार सात सय ६९ दशमलब १३ विन्दुमा राेकिएकाे हो । 

आज कारोबार रकममा पनि गिरावट आएको छ । आज नेप्सेमा ६ अर्ब २७ करोड १८ लाख बराबरको कारोबार भएको छ । बिहिबार नेप्सेमा ७ अर्ब ३७ करोड ९४ लाख बराबरको कारोबार भएको थियो ।

नेप्सेका अनुसार बजार घटेपनि दुई कम्पनीको शेयरमूल्यमा भने पोजेटिभ सर्किट लागेको छ । सर्किट लाग्ने कम्पनीहरुमा मानुषी लघुवित्त वित्तीय संस्था र तेह्रथुम पावर कम्पनी रहेका छन् । मानुषी लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता १४९५.३० रुपैयाँ पुगेको छ भने तेह्रथुम पावर कम्पनीको शेयरमूल्य पनि बढेर प्रतिकित्ता ६४३.१० रुपैयाँ पुगेको छ । 

आजकाे दिन मैलुङखोला जलविद्युत कम्पनीको शेयरमूल्यमा सर्वाधिक गिरावट आएको छ । यस कम्पनीको शेयरमूल्य ५ प्रतिशत भन्दा बढीले घटेको छ । यस्तै, कारोबारको आधारमा आज सबैभन्दा बढी कारोबार नेपाल दुरसञ्चार कम्पनीको भएको छ । यस बैंकको आज ६० करोड भन्दा बढीको कारोबार भएको नेप्सेले जनाएकाे छ । 

 

गाउँ सहर संवाददाता

तपाईँको मत