गाउँ सहर

नेपाल बार एशोसिएशनको आन्दोलनलाई प्रतिकार गर्ने ५० जना प्रहरी नियन्त्रणमा

काठमाडाैं । नेपाल बार एशोसिएशनको आन्दोलनलाई प्रतिकार गर्न परिचालित लगभग ५० जना पक्राउ परेका छन् । आइतबार प्रधानन्यायाधीश चोलेन्द्र शमशेर जबराको समर्थन गर्दै सडकमा निस्किएको समूहलाई प्रहरीले नियन्त्रणमा लिएको जनाएकाे छ । 

बार एशोसिएशनको आन्दोलनलाई प्रतिकार गर्नका लागि आज दुई वटा समूह सडकमा उत्रिएको थियो । बार एशोसिएसनले सर्वोच्च अदालत परिसरभित्रै विरोधको कार्यक्रम आयोजना गरिरहेको समयमा प्रधानन्यायाधीशको समर्थनमा केहीले सडकमा नाराबाजी गरेका थिए ।

यसै क्रममा प्रहरीसँग केहीबेर झडप भएको थियो । सो क्रममा एक प्रहरीसहित केही प्रदर्शनकारी घाइते भएका छन् ।

यसैबीच बार एशोसिएसनका पदाधिकारीहरुले प्रधानन्यायाधीश चोलेन्द्र शमशेर जबराले ‘भिजिलान्ते’ र ‘भाडाका टट्टु’ प्रयोग गरेर प्रतिकार समूह बनाएको आरोप समेत लगाएका छन् । सर्वोच्च अदालत परिसरमा आइतबार आयोजित विरोधसभालाई सम्बोधन गर्दै उनीहरुले भ्रष्टाचार गरेको रकम प्रयोग गरेर कानुन व्यवसायीको आन्दोलनलाई दबाउन खोजिएको बताएका छन् ।

 

 

 

 

 

गाउँ सहर संवाददाता

तपाईँको मत