गाउँ सहर

सर्वोच्च परिसरमा कानुन व्यवसायी र प्रहरीबीच धकेलाधकेल, पाँच जना पक्राउ

काठमाडाैं । सर्वोच्च परिसरभित्र कानुन व्यवसायी र प्रहरीबीच धकेलाधकेल भएको छ । सर्वोच्चभित्र कानुन व्यवसायीले प्रधानन्यायाधीशविरुद्ध नाराबाजी गर्न थालेपछि सुरक्षा व्यवस्थासमेत कडा पारिएको छ । प्रधानन्यायाधीश चोलेन्द्र शमशेर जबराकोे राजीनामा माग गर्दै सर्वोच्च अदालत परिसरमा धर्ना बसेका कानुन व्यवसायी सुरक्षाकर्मीबीच धकेलाधकेल भएको हो । तत्काल इजलास सञ्चालन गर्नुपर्ने भन्दै सर्वोच्च गेटबाहिर नाराबाजी गर्ने  पाँच जनालाई प्रहरीले नियन्त्रणमा लिएको छ । प्रधानन्यायाधीश चोलेन्द्र शमशेर जबराको पक्षमा प्रर्दशनमा उत्रिएका पाँच जना अभियान्ता पक्राउ परेका छन् ।

जबरा विरुद्ध नेपाल बार एसोसिएसनले सर्वोच्च अदालतको मुल गेटमा धर्ना थालेपछि विरोधमा उत्रिएका तारा बरालसहितका पाँच जनालाई प्रहरील पक्राउ गरेको हो ।

नेपाल बारले जबराको राजीनामा माग्दै थालेको आन्दोलनको विपक्षमा पनि आन्दोलन सुरु भएका छन् । विरोधका लागि उत्रिएका जबरा पक्षधरलाई भने प्रहरीले पक्राउ गरेको हो ।

 

गाउँ सहर संवाददाता

तपाईँको मत