गाउँ सहर

माओवादी केन्द्रीय समितिको बैठक बस्ने तयारी, यी एजेन्डामा हुँदैछ छलफल

• गाउँ सहर संवाददाता
• २६ कार्तिक शुक्रबार, २०७८ | १२:४५:०० मा प्रकाशित

काठमाडाैं । आज माओवादी केन्द्रको केन्द्रीय समितिको बैठक बस्दैछ । अधिकांश नेताहरु उपत्यका बाहिर भएकाले बैठक भर्चुअल रुपमा बस्न लागेको जनाइएकाे छ । 

बेलुका ६ बजे बस्ने तयारी गरिएको बैठक आसन्न राष्ट्रिय सम्मेनदका विषयमा केन्द्रित रहने स्थायी समिति सदस्य गिरिराजमणि पोखरेलले बताएका छन् । राष्ट्रिय सम्मेलनको तयारीका विषयमा केन्द्रित रहने बैठकमा वडा, पालिका तथा जिल्ला सम्मेनलका विषयमा समेत छलफल हुने उनले बताए ।

बैठकमा संगठित सदस्यता नवीकरणको म्याद थप्ने विषयमा समेत छलफल हुने पोखरेलको भनाइ छ । पार्टीको सदस्यता नवीकरणको म्याद आज सकिँदै छ ।

संगठित सदस्य ७ लाखभन्दा बढी पुर्याउने लक्ष्य दिएको पार्टीले नवीकरणमा उत्साहजनक सहभागिता देखिएकाले समय थप गर्ने विषयमा छलफल गर्न लागेको उनले बताए ।   माओवादीले पुस ११ देखि १३ सम्म राष्ट्रिय सम्मेलन गर्दैछ ।

बैठकमा पार्टीको वर्तमान अवस्था तथा भावी रणनीतिबारे समेत छलफल हुने बताइएकाे छ ।