राजनीति

एमाले छाडेर रामेछापका दर्जन युवा नेपाली कांग्रेसमा प्रवेश

काठमाडौं । रामेछापका नेकपा एमालेका दर्जन युवाहरू नेपाली कांग्रेसमा प्रवेश गरेका छन् ।

शनिवार कांग्रेस पार्टी जिल्ला सभापति पूर्णबहादुर तामाङ (कान्छाराम) काे निवासमा नेकपा एमालेका कार्यकर्ताहरूलाई नेपाली कांग्रेसको सदस्यता दिएर सभापति तामाङले पार्टीमा भित्र्याएका हुन् ।

मन्थली नगरपालिका वडा नं- ८, चिसापानीका एक दर्जन कार्यकर्ताहरूले पार्टी परित्याग गरेर नेपाली कांग्रेसमा प्रवेश गरेका हुन् । पार्टी परित्याग गरेर कांग्रेस प्रवेश गरेका उनीहरूलाई सभापति तामाङले खादा र रामेछाप प्रदेश 'ख' का उम्मेद्वार तथा प्रदेश प्रतिनिधि जितबहादुर मगरले टीका लगाएर पार्टी प्रवेश गराएका हुन् ।

वडा सभापति ओम पुरीकाे समन्वयमा काले दमाइ, सुमन भुषाल, रमेश भुषाल, राजु भुषाल, रविन्द्र भुषाल, राेशन भुषाल, सिताराम रम्तेल, ज्ञानबहादुर रम्तेल, एकबहादुर रम्तेल, अर्जुन भुषाल, कृतिकपुर भुषाल, खेम राेका र भाेला भुषाल नेपाली कांग्रेस प्रवेश गरेका हुन् ।

नवप्रवेशीहरूलाई स्वागत गर्दै सभापति तामाङले पार्टी सभापतिले कसैलाई भेदभाव नगरि उपयुक्त जिम्मेवारी दिने र पार्टीमा सबैलाई समेटर अघि बढ्ने बताए । साथै जनताका जनजिवीकादेखि विकासनिर्माण तथा सामाजिक सेवामा अझ बढि सक्रिय हुने प्रतिवद्धता व्यक्त गरे । 

प्रदेश प्रतिनिधि जितबहादुर मगरले नवप्रवेशीकाले कांग्रेसकमा प्रवेश गरेकाले नयाँ अनुभव नगर्न र पार्टीहित र जनताप्रति उत्तरदायी भई पार्टी संगठनमा लाग्न र पार्टीका सांगठानिक र वैचारिक कुराहरू विस्तारै सिकाउँदै लैजाने बताए । 

इकाइ सभापति ओम पुरीले संगठन बलियाे बनाउन स्थानीय तहमा पूर्णरूपमा लागि पर्ने बताउँदै पार्टीकाे लागि सबैले सहकार्य र सहयाेगात्मक रूपमा एकजुट भएर लाग्नुपर्ने बताए । 

गाउँ सहर संवाददाता