अर्थतन्त्र

अब तीन तहमा वाणिज्य बैंक पुग्न बाँकी

काठमाडौँ । ७५३ स्थानीय तहमध्ये वाणिज्य बैंकको उपस्थिति ७५० तहमा पुगेको छ । राष्ट्र बैंकको पछिल्लो तथ्यांकले यहि भन्छ ।

उसका अनुसार कुल ७५३ स्थानीय तहमध्ये २०७८ भदौसम्म ७५० तहमा वाणिज्य बैंकहरुका शाखा विस्तार भएका छन् । २०७७ भदौसम्म ७४७ स्थानीय तहमा वाणिज्य बैंकहरुका शाखा विस्तार भएका थिए ।

राष्ट्र बैंकबाट इजाजतप्राप्त बैंक तथा वित्तीय संस्थाहरुको संख्या २०७८ भदौ मसान्तमा १३२ रहेको छ । यस मध्ये २७ वाणिज्य बैंक, १८ विकास बैंक, १७ वित्त कम्पनी, ६९ लघुवित्त वित्तीय संस्था र १ पूर्वाधार विकास बैंक सञ्चालनमा रहेका छन् । बैंक तथा वित्तीय संस्थाहरुको शाखा संख्या २०७८ असार मसान्तमा १०,६८३ रहेकोमा २०७८ भदौ मसान्तमा १०,८८२ पुगेको छ ।

गाउँ सहर संवाददाता